Doarjjaolmmoš

Sáhtát ohcat oažžut doarjjaolbmo jus dárbbašat veahki oažžut aktiivvalaš astoáiggi dahje beassat olggos sierranasvuođas. Doarjjaolmmoš oažžu bálkká suohkanis. Doai sáhttibeahtti deaivvadit ruovttus dahje mannat gáfedahkii, kinos fitnat dahje hommet juoidá eará ovttas. Leat du beroštumit ja dárbbut mat dan mearridit. Bálvalus sáhttá fállojuvvot oktagaslaččat dahje joavkkuid mielde.

Olbmot ja bearrašat geain lea dárbu oažžut doarjjaolbmo doaimmashehttejuvvoma, agi dahje sosiála váttisvuođaid geažil.

Suohkan mearrida ovttasráđiid dutnje, galggatgo oažžut doarjjaolbmo vai eará bálvalusa. Leat du dahje du bearraša dárbbut mat dan mearridit.

Bálvalus lea nuvttá. Don it galgga máksit daid olggosgoluid mat doarjjaolbmos leat.

Hjelpetilbud i kommunen
Grenselaus fritid
Pasienta ja dulka. Dulkon dearvvašvuođabálvalusas
Fritid for alle

Dát lea láhkageatnegas bálvalus.

Forvaltningsloven
Helse- og omsorgstjenesteloven

Sáhtát váldit oktavuođas suohkaniin oažžut veahki ohcat doarjjaolbmo, dahje sáhtát earáid alccet veahkkin ohcat jus orut dárbbašeame dan. Jus muhtin eará ohca du ovddas, de ferte sus leat fápmudus dasa.

Galggat bidjat mielde fápmudusa jus lea muhtin eará gii ohca du ovddas.

Suohkan galgá vieččadit daid dieđuid maid dárbbaha vai sáhttá meannudit ášši. Dasto mearriduvvo ášši. Dábálaččat oaččut ákkastallama oktan mearrádusain. Oaččut álo ákkastallama jus sáhttá jurddahit ahte it šatta duhtavaš mearrádusain. Jus ákkastallamii lea t mielde de sáhtát dan oažžut jus válddát oktavuođa suohkaniin ovdal váidináigemearri dievvá.

Suohkan galgá meannudit ášši nu jođánit go vejolaš. Jus ášši ii sáhte mearriduvvon mánu sisa, de galggat oažžut čálalaš dieđu dan birra. Seammás galggat oažžut dieđu goas ášši vurdet mearridit.

Jus leat duhtatmeahttun mearrádusain, de sáhtát váidit áigemeari siskkobealde mii lea golbma vahku dan rájes go ožžot mearrádusreivve. Čilge mainna leat duhtatmeahttun ja manne oaivvildat ahte mearrádusa ferte rievdadit. Jus dárbbahat bagadallama, de váldde oktavuođa suohkaniin. Jus suohkan doalaha mearrádusas, de sáddejuvvo ášši viidáset Fylkkamánnii, gii de mearrida galgá go váidda váldot vuhtii vai ii.